គំនិតធនជ័យ

បើស៊ីត្រីព្រួល កុំចោលស្រកា បើស៊ីត្រីប្រា កុំចោលស្រកី បើស្ងោរក្បាលត្រី កុំភ្លេចម្ជូរសណ្តាន់

ថាមពលទឹករលក

09 12 11

បច្ចុប្បន្ននេះ ទន្ទឹមនឹងការប្រើប្រាស់បន្ទះសូឡា ដើម្បីស្រូបយកពន្លឺព្រះអាទិត្យ យកមកកែច្នៃឲ្យទៅជាថាមពលអគ្គីសនី និងកង្ហារដើរដោយកម្លាំងខ្យល់បក់ ដើម្បីបង្កើតឲ្យទៅជាថាមពលដូចគ្នានេះ នៅមានបច្ចេកទេសមួយបែបថ្មីទៀត ដែលទើបនឹងត្រូវបានស្រាវជ្រាវរកឃើញ និងត្រូវបានដាក់ឲ្យប្រើជាផ្លូវការ។ បច្ចេកទេសនោះ គឺការកែច្នៃកម្លាំងទឹករលកសមុទ្រ ឲ្យមកជាថាមពលអគ្គីសនី ដោយប្រើប្រាស់ឧបករណ៍ម៉្យាងមានឈ្មោះថា Pelamis ។
សូមអានបន្ត>>

ចំណាត់ក្រុម៖

គំនិតធនជ័យ

បញ្ចេញមតិ

ដើមមាស ដើមប្រាក់

09 12 11

កាលពីមុន ដើមល្ហុងខ្វងដែលភាសាអង់គ្លេសហៅថា Jatropha curcas គឺជារុក្ខជាតិម៉្យាងដែលដុះនៅតាមរបងផ្ទះរបស់ប្រជាពលរដ្ឋខ្មែរយើង ស្ទើរតែនៅគ្រប់ទិសទីទាំងអស់។ ម៉្យាងទៀតប្រជាពលរដ្ឋយើង មិនដែលបានចាប់អារម្មណ៍ទៅលើរុក្ខជាតិនេះឡើយ ព្រោះវាគ្មានបានផ្តល់ផលប្រយោជន៍អ្វី ក្រៅតែពីការប្រើប្រាស់សម្រាប់ធ្វើរបងផ្ទះ និងឬដីចំការតែប៉ុណ្ណោះ។ ក៏ប៉ុន្តែ នៅពេលបច្ចុប្បន្ននេះ ល្ហុងខ្វងបានក្លាយទៅជារុក្ខជាតិម៉្យាង ដែលផ្លែរបស់វាផ្តល់នូវប្រេងមួយប្រភេទ ដែលអាចប្រើប្រាស់ជំនួសឲ្យប្រេងម៉ាស៊ូតបាន។ ហើយការចម្រាញ់យកប្រេងពីផ្លែល្ហុងខ្វង គឺជាវិធីងាយជាទីបំផុត ដែលប្រជាពលរដ្ឋនៅតាមភូមិឃុំនានា អាចធ្វើបានដោយគ្មានបញ្ហាអ្វីឡើយ។ លើសពីនេះទៀត ការប្រើប្រាស់ប្រេងល្ហុងខ្វងជំនួសឲ្យប្រេងម៉ាសូត គ្មានត្រូវការការកែច្នៃអ្វីទាំងអស់ បានន័យថា ប្រេងដែលត្រូវបានគាបយកចេញពីគ្រាប់ល្ហុងខ្វងស្រស់ៗ អាចយកទៅចាក់ទៅក្នុងគ្រប់ម៉ាស៊ីនទាំងអស់ ដែលប្រើប្រេងម៉ាស៊ូត បានមួយរំពេច។
សូមអានបន្ត>>

ចំណាត់ក្រុម៖

គំនិតធនជ័យ

១ វិចារ

អ្នកក្រអាចខ្ចីប្រាក់ទិញផ្ទះ

05 12 11

ផ្ទះសម្រាប់អ្នកក្រ

ការទិញផ្ទះ គឺជារឿងមួយដ៏ពិបាកជាទីបំផុត ព្រោះថាពេលខ្លះយើងត្រូវធ្វើការសន្សំប្រាក់រាប់ឆ្នាំ ទើបអាចទិញផ្ទះមួយបាន។ ហើយបើនៅតាមតំបន់ជនបទវិញ គេត្រូវធ្វើការសន្សំឈើធ្វើផ្ទះ ដោយក្នុងមួយឆ្នាំ ៗ ត្រូវទិញសរសរពីរឬបីដើម ឬគ្រឿងឈើផ្ទះផ្សេងៗទៀត បន្តិចម្តងៗ ទម្រាំបានគ្រប់គ្រឿងទាំងអស់ ទើបគេអាចសង់ផ្ទះមួយបាន។
សូមអានបន្ត>>

ចំណាត់ក្រុម៖

គំនិតធនជ័យ

4 វិចារ

ទឹកម៉ាស៊ីនធម្មជាតិ

05 12 11

តើយើងត្រូវធ្វើយ៉ាងដូចម្តេច ដើម្បីយកទឹកជ្រោះដែលហូរធ្លាក់មកពីលើកំពូលភ្នំ មកប្រើប្រាស់នៅតាមលំនៅដ្ឋានរបស់យើង បើសិនជាយើងរស់នៅក្បែរកំពូលភ្នំនោះ?

វាជារឿងយ៉ាងងាយស្រួលបំផុត បើសិនជាយើងអាចតបំពង់ឬស្សីឬទុយយោទឹក (pipe) ដើម្បីត្រងយកទឹកពីតំបន់ដែលមានទឹកជ្រោះហូរធ្លាក់នោះ មកដល់ភូមិរបស់យើង។ ហើយបើសិនជាទឹកជ្រោះនោះហូរធ្លាក់ជាប្រចាំខួបប្រាំងខួបវស្សា យើងក៏អាចប្រើទឹកបានខួបប្រាំងខួបវស្សាបានដែរ។ ជាក់ស្តែង ប្រជាពលរដ្ឋឃុំ ចំបក់ ស្រុក ភ្នំស្រួច ខេត្ត កំពង់ស្ពឺ បានតទុយយោទឹកដើម្បីត្រងយកទឹកធ្លាក់ពីជ្រោះនៅតំបន់ភ្នំគិរីរម្យ មកដល់ស្រុកភូមិរបស់ពូកគេ។ ប្រការនេះបានធ្វើឲ្យពួកគេមានទឹកប្រើប្រាស់ខួបប្រាំងខួបវស្សា ព្រោះទឹកជ្រោះនោះហូរធ្លាក់ខួបប្រាំងខួបវស្សាដែរ។
សូមអានបន្ត>>

ចំណាត់ក្រុម៖

គំនិតធនជ័យ

បញ្ចេញមតិ

Go គឺជាភាសាថ្មីរបស់ Google

24 05 11

ថ្មីៗនេះក្រុមហ៊ុន Google បានប្រកាសផ្សាយនិងដាក់ឲ្យប្រើប្រាស់ជាផ្លូវការនូវភាសាថ្មីមួយទៀត សម្រាប់អ្នកសរសេរកម្មវិធីកំព្យូទ័រទាំងឡាយ។ ភាសាថ្មីនោះមានឈ្មោះថា Go ដែលមានលក្ខណៈងាយស្រួល និងផ្តល់លទ្ធភាពឲ្យអ្នកសរសេរកម្មវិធីកំព្យូទ័រ អាចផ្ចង់គំនិតស្មារតី គិតគូរពីរឿងសរសេរកម្មវិធី ជាជាងការគិតគូរអំពីការប្រើប្រាស់ភាសា ឲ្យបានត្រឹមត្រូវតាមក្បួនខ្នាត។
សូមអានបន្ត>>

ចំណាត់ក្រុម៖

គំនិតធនជ័យ

១ វិចារ

ក្រឡាដើររបស់ អាភីស៊ីត

16 05 11

តាំងតែពី អាភីស៊ីត ដណ្តើមបានអំណាចជានាយករដ្ឋមន្ត្រីមក សង្គ្រាមតាមព្រុំដែន ខ្មែ-ថៃ បានផ្ទុះឡើងគ្មានស្រាកស្រានឡើយ។ ទាំងអស់នេះគឺបណ្តាលមកពីគំនិតសត្វកញ្រ្ជោងរបស់ អាភីស៊ីត ដែលបានបង្វែបញ្ហាវិបត្តិផ្ទៃក្នុងរបស់ប្រទេសថៃ ឲ្យមកនៅតាមព្រុំដែន ខ្មែរ-ថៃ វិញ។ ម៉្យាងទៀត ទង្វើនេះក៏អាចជួយឲ្យ អាភីស៊ីត ទាញយកប្រជាប្រិយភាពបានខ្លះផងដែរ ព្រោះវាបានស្តែងចេញពីគំនិតជាតិនិយមស្រឡាញ់ទឹកដី ដ៏ឆ្កួតវង្វេងរបស់ជនជាតិថៃជ្រុលនិយមមួយចំនួន។
សូមអានបន្ត>>

ចំណាត់ក្រុម៖

គំនិតធនជ័យ

3 វិចារ

ដំឡូងគឺជាអាហារអន្តរជាតិ

08 05 11

បើតាមការសង្កេតជាក់ស្តែង ដំឡូងគឺជាអាហារដែលត្រូវបានប្រជាពលរដ្ឋនៅក្នុងគ្រប់ប្រទេសទាំងអស់ យកទៅបរិភោគជាចំណីអាហារដ៏ចាំបាច់មួយ សម្រាប់ទ្រទ្រង់រាងកាយ។ ហើយការចំអិនដំឡូងជាម្ហូបអាហារ គឺមានលក្ខណៈខុសៗគ្នា អាស្រ័យទៅតាមក្បួនធ្វើម្ហូបប្រចាំប្រទេសនិមួយៗ។ ដោយឡែក នៅក្នុងប្រទេសកម្ពុជាយើង ដំឡូងត្រូវបានប្រជាពលរដ្ឋទូទៅ យកទៅឆ្នៃធ្វើជានំនិងឬបង្អែមផ្សេងៗ។ បានន័យថា នៅក្នុងប្រទេសកម្ពុជាយើង ដំឡូងមិនមែនជាអាហារដ៏សំខាន់ អាចជំនួសបាយបាននោះទេ។
សូមអានបន្ត>>

ចំណាត់ក្រុម៖

គំនិតធនជ័យ

បញ្ចេញមតិ

អណ្តូងស្នប់ក្នុងចង្ក្រានបាយ

16 04 11

ការប្រើប្រាស់អណ្តូងស្នប់ គឺជាប្រការដែលធ្វើឲ្យយើងមានទឹកស្អាតប្រើប្រាស់បានគ្រប់គ្រាន់ (safe water) ។ ហើយនៅពេលបច្ចុប្បន្ននេះ ប្រជាពលរដ្ឋខ្មែរជាច្រើនគ្រួសារ បាននិងកំពុងតែនាំគ្នាប្រើប្រាស់អណ្តូងស្នប់នេះ កាន់តែច្រើនឡើង ៗ។ ទន្ទឹមនឹងនេះ អង្គការក្រៅរដ្ឋាភិបាលមួយចំនួន ក៏បាននិងកំពុងតែជួយជាថវិកានិងបច្ចេកទេស នៅក្នុងជីកអណ្តូងស្នប់នេះ ឲ្យដល់ប្រជាកសិករយើង ដែលរស់នៅតាមតំបន់ជនបទដាច់ស្រយាលនានា នៅពាសពេញផ្ទៃប្រទេស។
សូមអានបន្ត>>

ចំណាត់ក្រុម៖

គំនិតធនជ័យ

បញ្ចេញមតិ

សម្លេងទ្រខ្មែរ

10 04 11

ទ្រ គឺជាឧបករណ៍ភ្លេង ដែលជាការនិយមចូលចិត្តជាទីបំផុត របស់ប្រជាពលរដ្ឋខ្មែរយើងដែលរស់នៅតាមតំបន់ជនបទនានា នៅពេញទូទាំងផ្ទៃប្រទេស។ ហើយបើនៅក្រៅប្រទេសវិញ ប្រជាពលរដ្ឋដែលមានដើមកំណើតខ្មែរភាគច្រើន បានយកឧបករណ៍ទ្រនេះទៅដាក់ក្នុងទូកញ្ចក់ តាំងលំអរគេហដ្ឋានរបស់ពួកគេ ព្រោះវាជានិមិត្តរូបនៃព្រលឹងជាតិខ្មែរ។ លើសពីនេះទៀត ក៏មានខ្មែររស់នៅបរទេសមួយចំនួនអាចកូតទ្របានល្អ មិនចាញ់ខ្មែរនៅក្នុងប្រទេសប៉ុន្មានឡើយ។
សូមអានបន្ត>>

ចំណាត់ក្រុម៖

គំនិតធនជ័យ

6 វិចារ

ទឹកឃ្មុំអមតៈ

31 03 11

ទឺកឃ្មុំ (honey) គឺជាអាហារដែលគេនិយមបរិភោគជាទីបំផុត នៅជុំវិញពិភពលោកយើងនេះ។ ហើយអ្នកដែលចាត់ទុកទឹកឃ្មុំថាជាអាហាររបស់អ្នកក្រ អ្នកនោះច្បាស់ជាធុនមនុស្ស «អង្កែបក្នុងអណ្តូង» ដែលមើលមិនឃើញមេឃធំប៉ុនណាឡើយ។ តាមការពិតទៅ នៅប្រទេសណាក៏ដោយ ក៏គេចាត់ទុកទឹកឃ្មុំថាជាអាហារដ៏ចាំបាច់ និងមានរស់ជាតិជាទីបំផុត ហើយនៅក្នុងគ្រប់ភាសាទាំងអស់ គេនិយមប្រៀបធៀបអ្វីដែលគួរឲ្យស្រឡាញ់ចូលចិត្ត ទៅនឹងទឹកឃ្មុំ ដូចជាពាក្យថា «Honey, you’re so sweet!» ជាដើម ។ល។ និង ។ល។ ។
សូមអានបន្ត>>

ចំណាត់ក្រុម៖

គំនិតធនជ័យ

១ វិចារ

INTERNET បំបាត់អំពើពុករលួយ

27 03 11

អំពើពុករលួយនៅស្រុកខ្មែរយើង ភាគច្រើនច្រើនកើតមានឡើងនៅតាមស្ថាប័នរដ្ឋ ដោយពួកមន្ត្រីរាជការខិលខូចមួយចំនួន ដែលគិតតែពីផលប្រយោជន៍ផ្ទាល់ខ្លួន គ្មានគិតពីតម្លៃសីលធម៌អ្វីទាំងអស់។ ហើយភាគច្រើន អំពើពុករលួយទាំងនោះកើតឡើងដោយការយកលុយសុទ្ធ (cash) ហុចក្រោមតុឲ្យទៅមន្ត្រីរាជការទាំងនោះ។ ដូចនេះ ដើម្បីបំបាត់អំពើពុករលួយ យើងគ្រាន់តែបំបាត់ការចាយលុយសុទ្ធ និងបំបាត់ការហុចក្រោមតុនេះទៅ វាចប់រឿងទៅហើយ។
សូមអានបន្ត>>

ចំណាត់ក្រុម៖

គំនិតធនជ័យ

16 វិចារ

កាំជ្រួចមីសស៊ីលចេះលេងល្បិច

20 03 11

បើតាមអ្នកវិភាគមួយចំនួន កត្តាដ៏ចំបងដែលធ្វើឲ្យសហរដ្ឋអាមេរិកចាញ់សង្គ្រាមនៅវៀតណាម គឺបណ្តាលមកពីកាំជ្រួចមីសស៊ីល SA-2 របស់អតីតសហភាពសូវៀត ដែលត្រូវបានផ្តល់ជាជំនួយឲ្យទៅអតីតប្រទេសវៀតណាមខាងជើង នៅក្នុងការការពារដែនអាកាស ប្រឆាំងទល់នឹងការទម្លាក់គ្រាប់បែករបស់កងទ័ពអាកាសអាមេរិកាំង ទៅលើទីក្រុងហាណូយ។
សូមអានបន្ត>>

ចំណាត់ក្រុម៖

គំនិតធនជ័យ

បញ្ចេញមតិ

មេឃុំស៊ីសំណុំរឿង

15 03 11

ជាទូទៅ យោងទៅតាមគោលការណ៍នៃលទ្ធិប្រជាធិបតេយ្យសេរីនិងពហុបក្ស អំណាចនិតិប្រតិបត្តិ អំណាចនិតិបញ្ញត្តិ និងអំណាចតុលាការ ត្រូវបែងចែកយ៉ាងដាច់ស្រឡះពីគ្នា។ ហើយគ្មានជនណាម្នាក់អាចមានសិទ្ធិប្រើប្រាស់អំណាចរបស់ខ្លួន ហួសពីដែនកំណត់នៃអំណាចរបស់ពួកគេបានឡើយ។ ក៏ប៉ុន្តែនៅក្នុងរាជាណាចក្រកម្ពុជាយើង នៅតាមភូមិ-ឃុំ ទាំងឡាយ មេឃុំនិងឬមេភូមិ ដែលតំណាងឲ្យអំណាចនិតិប្រតិបត្តិ តែងតែទទួលបាននូវសទ្ធិមួយចំនួន នៅក្នុងការដោះស្រាយជម្លោះរវាងប្រជាពលរដ្ឋ នៅក្នុងដែនអំណាចរបស់ពួកគេ។ បានន័យថា មេឃុំនិងឬមេភូមិមានសិទ្ធិអាចប្រើប្រាស់អំណាចតុលាការ នៅក្នុងការដោះស្រាយជម្លោះ ឬកាត់ក្តីថាឲ្យអ្នកណាឈ្នះឬចាញ់បាន។ ប្រការនេះបានធ្វើឲ្យប្រជាធិបតេយ្យនៅប្រទេសកម្ពុជា ក្លាយជាប្រជាធិបតេយ្យមួយប្រភេទ ដែលមានលក្ខណៈដាច់ដោយឡែក ពីប្រជាធិបតេយ្យនៅប្រទេសលោកខាងលិច។ ដូចនេះ តើលទ្ធិប្រជាធិបតេយ្យនៅប្រទេសកម្ពុជាយើង ជាលទ្ធិប្រជាធិបតេយ្យប្រភេទណាដែរ?
សូមអានបន្ត>>

ចំណាត់ក្រុម៖

គំនិតធនជ័យ

បញ្ចេញមតិ

ថាសហោះដឹកអ្នកដំណើរ

14 03 11

ក្រុមហ៊ុន Aviation Concern ដ៏ធំនៅក្នុងប្រទេសរុស្ស៊ី ដែលមានជំនាញខាងផលិតយន្តហោះ និងយានអវកាស បានផ្តួចផ្តើមគំនិតបង្កើតយន្តហោះប្រភេទថ្មីមួយទៀត ដែលមានលក្ខណៈដូចជាថាសហោះ និងដែលអាចហោះហើរដឹកអ្នកដំណើរបានជាច្រើនពាន់នាក់ ប្រកបដោយសុវត្ថភាពបំផុត។ យន្តហោះប្រភេទថ្មីនោះមានឈ្មោះថា EKIP ។
សូមអានបន្ត>>

ចំណាត់ក្រុម៖

គំនិតធនជ័យ

បញ្ចេញមតិ

បើកនាវាឆ្លងកាត់ល្បាក់ខោន

11 03 11

តាំងពីយូរយារណាស់មកហើយ ការធ្វើនាវាចរណ៍តាមដងទន្លេមេកុង ត្រូវកាត់ផ្តាច់នៅត្រង់ល្បាក់ខោន ដែលជាកន្លែងទឹកជ្រោះហូរធ្លាក់យ៉ាងគំហុក (waterfall) នៅត្រង់ព្រុំដែនកម្ពុជា-ឡាវ ។ ហើយដើម្បីធ្វើដំណើរទៅប្រទេសឡាវ គេត្រូវជិះរថយន្ត ឬយានជំនិះផ្សេងៗទៀត ទៅតាមផ្លូវថ្នល់មួយចំនួនទៅវិញ។ ក៏ប៉ុន្តែសំណួរមួយបានចោទឡើងថា តើយើងប្រាកដជាគ្មានធម្យោបាយណាមួយអាចធ្វើឲ្យនាវា អាចបើកឆ្លងកាត់ល្បាក់ខោននេះបានទេឬ?
សូមអានបន្ត>>

ចំណាត់ក្រុម៖

គំនិតធនជ័យ

បញ្ចេញមតិ

យន្តហោះចម្បាំងបញ្ជាពីចម្ងាយ

10 03 11

យើងធ្លាប់តែដឹងថា មានឧបករណ៍អេឡិកត្រូនិកមួយចំនួនអាចត្រូវបញ្ជាពីចម្ងាយ ដោយតេឡេកំម៉ង់ដែលភាសាអង់គ្លេសហៅថា remote control ដូចជា ទូរទស្សន៍ ម៉ាញ៉េ ម៉ាស៊ីនត្រជាក់ ជាដើម ។ល។ ក៏ប៉ុន្តែ យើងមិនធ្លាប់បានឮថា មានយន្តហោះចំបាំងណាមួយអាចត្រូវបញ្ជាពីចម្ងាយ ដោយតេឡេកំម៉ង់បានឡើយ។ ទើបតែនៅពេលថ្មីៗនេះប៉ុណ្ណោះ ដែលក្រុមហ៊ុនសាជីវកម្មផលិតយន្តហោះដ៏ធំមួយរបស់សហរដ្ឋអាមេរិក មានឈ្មោះថា Boeing បានសាកល្បងបង្កើតយន្តហោះចំបាំងមួយប្រភេទ ដែលអាចត្រូវបញ្ជាពីចម្ងាយដោយតេឡេកំម៉ង់ ដែលជាប្រព័ន្ធកំព្យូទ័រនៅនឹងដី។ យន្តហោះនោះមានឈ្មោះថា X-45 ដែលត្រូវបានបង្កើតឡើង និងត្រូវបានបញ្ជាឲ្យហោះហើរជាលើកដំបូង ដោយប្រព័ន្ធកំព្យូទ័រនៅនឹងដី នៅក្នុងកំឡុងឆ្នាំ ២០០២ ។
សូមអានបន្ត>>

ចំណាត់ក្រុម៖

គំនិតធនជ័យ

បញ្ចេញមតិ

បណ្តាស្ពានដែលត្រូវបានសង់រួច

09 03 11

ស្ពាន តេជោមរកតកោះពស់

ស្ពានអាកាស ក្បាលថ្នល់

សូមអានបន្ត>>

ចំណាត់ក្រុម៖

គំនិតធនជ័យ

10 វិចារ

ចុចពីរឬអត់នៅក្នុងពាក្យខ្មែរ

07 03 11

រហូតមកដល់ពេលបច្ចុប្បន្ននេះ យើងនៅមានភាពមិនច្បាស់លាស់ នៅក្នុងការប្រើសញ្ញាចុចពីរ (colon) នៅក្នុងពាក្យខ្មែរមួយចំនួន ដែលត្រូវអានថា [អាក់] ឬ [អ៊ាក់] ។ ក៏ប៉ុន្តែជាកុសលល្អ នៅពេលថ្មីៗនេះ លោកបណ្ឌិត ច័ន្ទ សំណព្វ រួមជាមួយនឹងអ្នកអក្សរសាស្ត្រខ្មែរមួយចំនួនទៀត បានខិតខំស្រាវជ្រាវចងក្រងជាក្បួនវេយ្យាករណ៍ជាបណ្តោះអាសន្នមួយ (hypothesis) ស្តីពីការប្រើប្រាស់សញ្ញាចុចពីរនៅក្នុងពាក្យខ្មែរ។
សូមអានបន្ត>>

ចំណាត់ក្រុម៖

គំនិតធនជ័យ

12 វិចារ

អាល្លឺម៉ង់ជួយខ្មែរផលិតរថយន្ត

04 03 11

យើងទាំងអស់គ្នាប្រហែលជាបានដឹងរួចមកហើយថា មានជនជាតិខ្មែរម្នាក់ឈ្មោះ ញៀន ផលិត បានបង្កើតរថយន្តមួយប្រភេទម៉ាក អង្គរ ដោយធ្វើដោយដៃរបស់គាត់ផ្ទាល់។ ហើយដើម្បីបង្កើតរថយន្តម៉ាក អង្គរ នេះ លោក ញៀន ផលិត បានចំណាយពេលវេលានិងប្រាក់កាស់ជាច្រើន គឺមានចំនួនរហូតដល់ទៅរាប់ម៉ឺនដុល្លារឯណោះ។ ក៏ប៉ុន្តែ ការលះបង់ប្រាក់កាស់និងកម្លាំងកាយចិត្តទាំងអស់នេះ មិនអត់ប្រយោជន៍ទេ ព្រោះនៅពេលថ្មីៗនេះ មានក្រុមហ៊ុនផលិតរថយន្តរបស់អាល្លឺម៉ង់មួយ មានបំណងមកបណ្តាក់ទុនរកស៊ីជាមួយនឹងលោក ញៀន ផលិត នៅក្នុងការបង្កើតរោងចក្រផលិតរថយន្តតាមគម្រូនៃរថយន្តរបស់លោក ញៀន ផលិត ។
សូមអានបន្ត>>

ចំណាត់ក្រុម៖

គំនិតធនជ័យ

14 វិចារ

ធ្វើផ្លូវដោយមិនអស់មួយរៀល

02 03 11

វាមិនមែនជារឿងគួរឲ្យភ្ញាក់ផ្អើលនោះទេ ដែលខ្ញុំបាទហ៊ាននិយាយថា យើងអាចសង់ប្រព័ន្ធផ្លូវគមនាគមន៍នៅពាសពេញផ្ទៃប្រទេសបាន ដោយមិនចំណាយប្រាក់អស់មួយរៀលនោះ។ ម៉្យាងទៀត បើសិនជាអស់លោកអ្នកនាងកញ្ញាស្គាល់ស្រុកខ្មែរច្បាស់ដូចជារូបខ្ញុំបាទ រឿងនេះកាន់តែមិនចម្លែកអ្វីទាំងអស់។
សូមអានបន្ត>>

ចំណាត់ក្រុម៖

គំនិតធនជ័យ

5 វិចារ

តាមដាន

Follow “គំនិតធនជ័យ”

Powered by WordPress.com